Bi gizon atxilotu dituzte Plentziako etxe batean indarrez lapurtzea egotzita

Ertzaintzak 19 eta 35 urteko bi gizon atxilotu ditu gaur Plentzian, ustez familia bakarreko etxebizitza batean lapurtzen ari zirela. Goizaldeko 2:30ak iritsi dira lekura poliziak, lagun baten abisua jaso ostean. Eusko Jaurlaritzaren Herrizaingo Sailak zabaldutakoaren arabera, etxetik teilatu-hodi bati helduta irteten ari zela harrapatu dute ustezko lapurretako bat ertzainek. Barruan, berriz, bigarren bat atzeman dute atikoan ezkutatuta, beheko eta lehenengo solairuak miatu ostean. Dirudienez, ateetako bat bortxatuz sartu dira etxebizitzara. Tartean, soinu ekipo baten hainbat osagai hartzeko denbora eduki omen dute. Horretan onarrituta, indarrez lapurreta egitea leporatu diete bi gizonezkoei.