Etxekoek 18.000 euroko fidantza ordaindu ostean, gaur aterako da Brievako espetxetik (Avila, Espainia) Maribel Prieto preso berangoztarra. "Oraindik ez dakigu zein ordutan irtengo den kartzelatik, baina lehen harrera egingo zaio Algortan, 20:30ean, ostiraleko kontzentrazioaren ostean, Amnistia tabernan", azaldu du Uribe Kostako Amnistiaren Aldeko Mugimenduak. Prieto pasa den
abenduaren 10ean atxilotu zuen Guardia Zibilak Berangon, Aitor Artetxe ustezko ETAko kidea ezkutatu izana leporatuta. Prietoren pisukidea den Amets Ladislao atxilotu eta Guardia Zibilak pisua miatu ostean "prezintoa" altxatzera joan behar zela esanez hots egin zioten poliziek Maribeli eta Berangoko bere etxean agertu zenean atxilotu zuten. Bi egun lehenago Artetxe bera, Aitzol Iriondo eta Eneko Zarrabeitia Okzitanian atxilotuz Frantziako Poliziak eta Guardia Zibilak abiatutako sarekadan zortzi euskal herritar atxilotu zituzten, tartean Uribe Kostako sei lagun: Maribel Prieto, Marimar Alcocer, Ibai Egurrola, Amets Ladislao, Javi Gutierrez eta Aitor Artetxe. Guardia Zibilak operazio horretan atxilotutako guztiak bezalaxe Prieto "bortizki torturatua" izan zela salatu zuen. Argazkian, Maribel Prieto /
Etengabe.
