Juan Jose Ibarretxe Eusko jaurlaritzako lehendakaria eta martxoaren 1eko Eusko legebiltzarrerako hauteskundeetan EAJren lehendakarigaia bihar izango da Areetan. Hautagai jelkidea ikusteko hitzordua 11:30ean jarri dute Areetako Xake plazan. Laudiokoarekin batera, Izaskun Bilbao Legebiltzarreko presidentea eta Iñigo Urkullu EAJren Euzkadi Buru Batzarreko presidentea izango dira. Baina hori ez da izango bihar egongo den hauteskunde ekitaldi bakarra. Izan ere, ezker abertzaleak jakinarazi duenez, bazkari herrikoiak antolatuko dituzte Urdulizen eta Berangon eta azken herri horretan bazkari legearen ostean ekitaldi politikoa ere egingo dute. Etzi, astelehena, berriz, Eusko Alkartasunak propaganda banaketa egingo du Erandioko metro geltokiaren aurrean, arratsaldeko 18:30ean. Azkenik, asteazkenean, otsailak 25, POSI alderdi federalistak ekitaldi publikoa antolatu du Lamiakoko ikastetxe publikoan, arratsaldeko 19:30ean. Argazkian, Ibarretxe pasa den azaroaren 20an, Armintzan, "olatuen energia ikertzeko" instalazioa aurkeztuz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun