Leioako Euzko Gaztedik (EGI) "ongi etorria" eman dio gaur Getxoko Falangea talde sortu berriari. Gazte jeltzaleen
Leioakogaztedi.blogspot.com bitakoran argitaratutako
artikuluaren bitartez, EGIkoek azpimarratu dute talde falangistak euskararen inguruan erabilitako politika: "badirudi euskararen alde egingo dutela. Bestela arreta jarri bere pegatinatxoan; "Getxoko falangea" jartzen du, euskara hutsean. Ez elebitasunik ez ezer, euskaraz bakarrik. Hortaz, badauzkagu euskaltzale berriak: Getxoko falangistak. Ea orain Basagoiti eta Rosa Diezen kumetxoek antolatzen dituzten manifestazioen kontramanifestazioetara doazen. Kar kar!! Kuriosoa izango litzateke dokumentua". Dena den kontua sinesgaitza ere iruditzen zaiela argi utzi nahi izan dute EGIkoek: "gure amamak esango lukeen bezala: egie ez da izingo!!". Bitartean, Getxoko Falangeak mezu laburra bidali die
Sare Antifaxistari eta UKBERRI.NETi, emandako arreta eskertzeko: "jaun-andreok: poz-pozik ikusi dugu guri buruzko
albisteak eta
argazkiak argitara eman dituzuela. Horregatik, eskerrak eman nahi dizkizuegu. Gora Getxo espainiarra! Gora Espainia! Gora Getxoko Falangea! Getxoko Falangea".