Aurrekontuetan presoen senideentzako eta Udalbiderako laguntzak daudenik ukatu du Getxoko PSE-EEk

Luis Almansa Getxoko PSE-EEren bozeramaileak "guztiz faltsutzat" jo du EAJrekin adostutako aurrekontuetan presoen senideentzako eta Udalbiderako laguntzak daudenik; Marisa Arrue popularren tokiko arduradunak ostiralean adierazitakoa gezurtatuz. "Hori bai, terrorismoaren biktimak eta gerra zibilak eta horren osteko diktadurak kaltetutako guztiak oroitzeko monumentuak jartzeko diru partidak badaude", Almansak zehaztu duenez. "Gezurren bitartez, martxoaren 1eko hauteskundeei begira, sozialistak kaltetu nahi izatea" egotzi dio Alderdi Popularrari Getxoko PSE-EEk. Almansaren ustez, "getxoztarrei mesede egiteko hitzarmenak lortzeko gaitasunik ez daukatela ezkutatu nahi dute" popularrek. Argazkian, Luis Almansa Getxoko PSE-EEren bozeramailea, prentsaurreko batean.