EHUko errektorea denetik Klaustroko lehen batzarra izango du bihar Iñaki Goirizelaiak
Euskal Herriko Unibertsitateko (EHU) Klaustroak bilera egingo du ostegun honetan, otsailak 26, 9:00etan lehenengo deialdian eta 10:00etan bigarrenean, Bilboko Ingeniaritza Goi Eskola Teknikoko areto nagusian (Urkixo zumarkalea, z/g), EHUko iturriek gaur jakinarazi dutenez. Biharkoa izango da Iñaki Goirizelaia errektorea buru izango duen lehen Klaustroa. Besteak beste, 2008/09 ikasturteko jarduera egitaraua aurkeztu, Klaustrorako hauteskundeei buruzko eta horren funtzionamenduari buruzko arautegia onartu eta organo batzuetako ikasleen kideak aukeratuko dituzte bertan: Klaustroko Mahaia, Gobernu Kontseilua, Euskara Batzordea, Akademia Antolakuntza eta Doktoregoko Batzordea eta Klaustroari dagokion Estatutuak Garatzeko Batzordeko ordezkariak, alegia. Argazkian, ezkerretik eskuinera, Tontxu Hezkuntza sailburua Campos eta Iñaki Goirizelaia EHUko errektorea, azken horrek kargua hartu eta gutxira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun