Mozorro lehiaketan koadrilan parte hartu nahi izanez gero, 5 eta 10 lagun artekoa izan beharko da taldea; bestela, bakarka ere parte hartu daiteke. Horrenbestez, 300, 200 eta 100 eurotako sariak banatuko dituzte taldeen artean; eta 150, 100 eta 50 eurotakoak, bakarkako kategorian.
Egitaraua:
Otsailak 27, ostirala
20:00 Kale animazioa Kull d´Sac taldearen eskutik.
20:00 Inauterietako Mozorroen Gazte Lehiaketa, 14 urtetik gorakoentzat. Horretarako, Josu Murueta kultur gunean eman beharko da izena, 18:00etatik 20:00etara. Parte hartzeko, mozorrotuta desfilatu behar da animazio taldearekin batera, egingo den ibilbide osoan zehar.
Otsailak 28, larunbata
11:00-14:00 eta 16:00-18:00 Umeentzako jarduerak, Josu Murueta plazan. Euria eginez gero, kultur etxearen barruan.
12:00 Erraldoi eta buruhandien kalejira oinezkoen gunean, Gautxori Kultur Elkartearen eskutik.
18:30 Txikien mozorro lehiaketa, 0 eta 13 urte bitarteko umeentzat, Josu Murueta plazan. Euria eginez gero, kultur etxearen barruan.
20:00 Kale animazioa La Banda del Surdo taldearen eskutik.
Martxoak 1, igandea
11:00-14:00 eta 16:00-18:30 Umeentzako jarduerak, Josu Murueta plazan. Euria eginez gero, kultur etxearen barruan.
18:30 Lantzeko inauterien kalejira, Trabudu dantzari taldearekin.
19:30 Txokolatada herrikoia J. A. Mendiguren plazan.
Joan den asteburuan Altzagan eta Erandio Landan ospatu zituzten inauteriak. Orain, berriz, Astrabuduari helduko zaio txanda. Gauzak horrela, ostiral honetan, otsailak 27, Valladolideko Kull d'Sac taldeak "Cabaret" ikuskizuna eskainiko du kaleetan zehar, iluntzeko 8etatik aurrera. Horrekin batera, inauterietako mozorroen lehiaketan parte hartzeko aukera izango dute 14 urtetik gorako gazteek. Horretarako, Josu Murueta kultur etxean eman beharko da izena, 18:00etatik 20:00etara. Parte hartzeko, mozorrotuta desfilatu behar da animazio taldearekin batera, Josu Murueta plazatik abiatuta egingo duen ibilbide osoan zehar, kultur iturriek zehaztu dutenez. Astrabuduan igandera arte luzatuko dira inauteriak. Argazkian, Kull d'Sac taldea beste ikuskizun batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun