Getxoko Udaleko lan taldearekin elkarlanean, Afrikara begirako kanpaina solidario berria martxan jarri du Algortako San Martin parrokiak. Zendutako Alfonso Saiz apaiz getxoztarrak -Getxoko Udalak 2007an omendutakoa- hasitako ibilbideari jarraipena ematen diote horrela. Gauzak horrela, 5.000 aitzur erosteko dirua bildu eta horiek Kongoko Kansenia ingurura bidaltzea da euren asmoa. Lanabes bakoitzaren salneurria 6 eurokoa da. Kanpainaren sustatzaileek azaldu dutenez, "lurra lantzeko aitzur bat edukitzea luxua da bertan, euren bizi-baldintzak oso txarrak baitira. Lanabes hori familia bat aurrera ateratzeko tresna bihurtzen da". Ekimenean parte hartu nahi dutenek dirua eman dezakete udalerriko elizetan: Algortako San Martinen, Areetako Santa Ana eta Mesedeetako Aman, eta Getxoko Andra Marin, hain zuzen. Edo bestela BBKren 2095 0355 70 9100756027 kontu korrontean. Argazkian, kanpainaren kartela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun