Austingo (AEB) South by Southwest musikaldian joko dute We Are Standard getxoztarrek
"Sounds from Spain" egitasmoaren eskutik, Austingo (Texas, AEB) South by Southwest nazioarteko musika jaialdian izango We are Standard talde getxoztarra, Europa Press albiste agentziak zabaldu duenez. Capsula talde bizkaitarrak ere parte hartuko du musikaldian. Sektoreko 12.000tik gora profesional elkartzen dituen ekimena martxoaren 18tik 22ra bitartean izango da. We are Standard boskoteak Demo egitasmoaren saria irabazi zuen 2005eko Benicassimgo jaialdian, eta hurrengo urtean Bilbo Hiria Saria. Horretaz gain, martxoaren 12an Badajozen (Extremadura, Espainia) banatuko diren Espainiako XVIII. Musika Sarietarako izendatu dute taldearen izen berbera daraman bigarren lana, rock alternatiboa atalean. Andy Gillek ekoiztuta (Gang of Four) eta Arthur Bakerren laguntzarekin, urrats handiak ematea suposatzen du getxoztarrentzat. Argazkian, We Are Standar taldea Madrilen emandako kontzertuan / Andor.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun