Zundaketa Ipsos-Consulting etxeak egin du EITBrentzat eta RTVErentzat, eta horretarako 15.212 elkarrizketa egin ditu EAEko hautesleku ezberdinetan. Horren araberako emaitzak hauek lirateke:
Ipsos-Consulting
EAJ. 30-32 legebiltzarkide (%38,2).
PSE-EE. 26-28 (%31,5).
PP. 9-10 (%12,5).
Aralar. 2-4 (%5,3).
EA. 1-3 (%4,2).
EB. 0-3 (%4,1).
UPyD. 0-1 (%2,0)
Baliogabeak. ?.
Parte-hartzea. ?.
2005eko emaitzak EAEn
EAJ-EA. 29 legebiltzarkide (468.117 boto, %38,67).
PSE-EE. 18 (274.546 boto, %22,68).
PP. 15 (210.614 boto, %17,40).
EHAK. 9 (150.644 boto, %12,44).
EB. 3 (65.023 boto, %5,37).
Aralar. 1 (28.180 boto, %2,33).
Parte-hartzea. %67,99.
Lehendakaria. Juan Jose Ibarretxe (EAJ).
EAJk irabaziko lituzke EAEko hauteskundeak 30-32 eserleku lortuta, Ipsos-Consultingek EITBrentzat hauteslekuetan egindako galdeketen arabera. Gauzak horrela, 2005eko hauteskundeetan baino 1-3 eserleku gehiago izango lituzke. Orduan, Eusko Alkartasunarekin batera aurkeztu ziren jelkideak. PSE-EEk, berriz, igoera nabarmena izango luke, 26-28 eserleku eskuratuz. Duela lau urte baino 8-10 gehiago. PPk 9-10 lortuko lituzke (2005ean 15 eskuratu zituen); Aralarrek 2-4 (2005ean bakarra lortu zuen); Eusko Alkartasunak 1-3 (2005ean EAJrekin batera aurkeztu zen hauteskundeetara); Ezker Batuak 0-3 (2005ean 3 lortu zituen); eta UPyDk Rosa Diezen alderdi berriak 0-1. Hainbat hedabideen arabera, %9,6 litzateke "baliogabeko botoa". Argazkian, Juan Jose Ibarretxe jarduneko lehendakaria eta Iñigo Urkullu EAJren presidentea Areetan emandako mitinean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun