Keltse Eiguren Berdintasun zinegotziaren arabera, “hirigintza genero ikuspegitik aztertu nahi dute tailerrek eta, horregatik, helburua hiri segurtasunaren inguruko diagnostikoa egitea da, udalerriko hiri diseinuari lotutako segurtasun arazo nagusiak aztertuz; hala nola, kale azpiko pasabideak, argi gutxi duten lekuak, ikus-eremu gabeko bazterrak... aztertuz”. Mugikortasuna, gune publikoak zaintzeko erraztasunak, bizikidetza, umeen autonomia eta beste gai batzuk ere aztertuko dituzte. “Ondoren genero ikuspegitik hiri mapa egingo dute, hiri debekatuaren mapa alegia, eta jokatzeko proposamena udal zerbitzu teknikariei aurkeztuko diete, udalerriko hiri diseinua egiterakoan emakumezkoak kontuan har ditzaten”, gehitu du udal arduradunak.
Bestelako jarduerak
Jardunaldi horiekin batera, ostiral honetan, martxoak 6, goizeko haurretatik aurrera horma irudia marraztuko dute, bosgarren urtez jarraian, Algortako San Nikolas plazan. Amaitutakoan Urgull kalean kokatuko dute, iaz egindakoa ordezkatzeko. Ondoren, 12:30ean emakume elkarteen eta erakundeen adierazpena irakurriko dute.
Berdintasun Zerbitzuak ere kultur ekitaldi batzuk antolatu ditu. Tartean, martxoaren 10ean, “Mujeres pluscuamperfectas” izenburuko liburua aurkeztuko du Diana Raznovich idazleak, Algortako kultur aretoan, 19:30ean. Hilaren 15ean, berriz, Dar-Dar taldearen eskutik, “Menu del dia” izeneko antzerki lana egongo da ikusgai Areetako Andres Isasi Musika Eskolan, 19:30etik aurrera. Sarrera 3 eurotan egongo da. Bestalde, martxoaren 17an bisita gidatua izango da Bilboko Arte Ederretako Museora, “emakumeen errepresentazioa artean” gaia lantzeko. Izenemateak doakoak izango dira eta interesatuek Berdintasun Zerbitzura jo beharko dute.
Azkenik, martxoaren 17tik 28ra, Enrique Pimoulier Laspeñas argazkilariaren “Las mujeres en los movimientos indigenas” erakusketa ikusi ahal izango da Itzubaltzeta / Romoko kultur aretoan, Mundubat gobernuz kanpoko erakundearen eskutik.
Getxoko Udalaren Berdintasun Arloak eta udalerriko emakumeen elkarteek hainbat ekitaldi antolatu dituzte martxoaren 8ko Emakumeen Nazioarteko Egunaren harira. Horien ardatz nagusia “hiri debekatuaren mapa” egiteko jardunaldiak izango dira. “Hiri debekatua. Hirigintza, segurtasun falta eta emakumeak” lelopean, "gizon eta emakumeen eguneroko bizitzan hirigintza garapenak duten eragina" aztertu nahi dute. Keltse Eiguren Berdintasun zinegotziak azaldu duenez, “kalea emakumeentzat aldarrikatzea eta aldi berean emakumeak hirigintzako diseinuan kontuan hartzea izan da aurtengorako aukeratutako gai nagusia”. Jardunaldiak hilaren 6tik 13ra bitartean egingo dituzte Itzubaltzeta / Romoko Ibar Nagusien Etxean, bertoko, Areetako eta Neguriko emakumezkoentzat; eta Andra Mari kiroldegian andre getxoztarrentzat. Algortako taldea Villamonteko kultur etxean bilduko da martxoaren 7tik 14ra. Saioak doan izan arren, Berdintasun Zerbitzuan eman beharko da izena ostirala baino lehen eta doan da. Haurtzaindegi zerbitzua eskatu nahi dutenek bihar dute azken eguna. Argazkian, ohiko lez, ostiralean pintatuko dute horma irudia Algortako San Nikolas plazan / Urtzi Altube - Ilanda.eu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun