Matrikula Bertzozale Elkarteko webgunean bertan egin daiteke, bertsozale.com/udalekuak2009.php orrian. Horretaz gain argibide gehiago eskuratu daiteke transmisioa@bertsozale.com posta elektronikoaren edo 943 694 129 telefonoaren bitartez. Prezioari buruz, Zuhatzako udalekua (4 egunekoa) da merkeena, 85 eurotan. Ondoren, sei egunetakoa (Irañeta), 155 eurotan, eta azkenik beste guztiek 170 euro balio dute.
Bestalde, ume, nerabe eta gazteekin batera, Bertsozale elkartea udalekuetarako begirale eta sukaldarien bila ere ari da. Interesatuek goian jarritako kontaktu bideak erabil ditzakete.
Dagoeneko, Bertso Udalekuetarako izen ematea zabaldu egin du Euskal Herriko Bertsozale Elkarteak. Azken urteotan egin bezala, elkarteak "udaran lagun artean ongi pasatzeko parada bikaina" eskaintzen die 9 eta 18 urte bitarteko haur, nerabe eta gazteei, bertsozaleek antolatutako bost udalekuetan. Bertan, bertso afariak, kantaldiak, txangoak, showak, jolasak, kirolak eta askoz jarduera gehiago izango direla iragarri du, gainera. Izen ematea, atzo zabaldu zuten eta irekita egongo da 174 lekuak amaitu arte, epemuga maiatzaren 5a dela. Udalekuak uztailean eta irailean egingo dituzte bost herri ezberdinetan. Txikienek, 9 eta 12 urte bitartekoak, lau edo sei eguneko bi txanda izango dituzte bertso udalekuetan egoteko. Lehenengoa, Nafarroako Irañeta herrian izango da, uztailaren 16tik 21era, eta bigarrena Arabako Zuhatzan, irailaren 2tik 5era. Hamabi eta 15 urte bitarteko nerabeen kasuan, ordea, 10 egunez gozatu ahal izango dute Bizkaiko Muxikan (uztailaren 18tik 27ra) edota Zuberoako Ligi-Atherein (uztailaren 1etik 10era). Azkenik, 18 urte bitarteko gazteentzat udaleku bakarra dago, Gipuzkoako Getaria herriko Askizu aterpetxean. Bertan, uztailaren 21etik 30era gozatu ahal izango dute bertso munduaz. Argazkian, Xabi Paya izan zen iaz Sopelan egin zen bertso udalekuetako begiraleetariko bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun