Iragarpen honen aurrean, eta ahalik eta zirkulazio baldintzarik egokienak mantentzeko, Eusko Jaurlaritzako Trafiko zuzendariak Neguko Bide Zaintza Plana abiatu du. Euskadiko Trafikoa Kudeatzeko Zentrotik koordinatzen dute plana eta errepideak eta trafikoa zaintzeko zerbitzuez arduratutako instituzioen eta erakundeen koordinazio eta eraginkortasun handiena lortzea du helburu.
Neguko denboraleei aurre egiteko programa honen baitan, Herrizaingo Saileko Trafiko, Herritarren Segurtasunerako eta Larrialdiei Aurregiteko zuzendaritzek, Foru Aldundietako errepideak zaintzeko zerbitzuek eta autobideen emakidadunek parte hartzen dute; gainera, Euskalmet Euskal Meteorologia Zerbitzuak aholkularitza ematen die.
Gidariek Euskadiko Trafikoa Kudeatzeko Zentroaren bidez jaso ahal izango dute trafikoaren eta errepideen egoeraren berri, honako telefono zenbakian: 902-112.088. Halaber, Trafiko Zuzendaritzaren web orria ere erabil dezakete horretarako.
Eusko Jaurlaritzako Herrizaingo Sailak Neguko Bide Zaintza plana abiatu du gaur fase operatiboan, eguraldiak okerrera egiteko arriskuak errepidez zirkulatzeko eragozpenak eragin ditzakeelako. Gauzak horrela, arreta handiz jokatzeko eskatu die gidariei. Datozen egunotan, elurra eta haizea dela eta EAEn abian jarritako alerta horiari eutsi dio Herrizaingo Sailak. Iragarpenen arabera, litekeena da gaur (asteazkena) azken orduetan elur kota 500-600 metroren bueltan ibiltzea, eta baliteke ostiralera arte egoera horretan mantentzea, aldaketa txikiekin. Bihar (osteguna), haizeak 100 kilometro orduko abiadura har lezake haizeguneetan eta, 90 kilometro ordukoa haizeguneak ez diren lekuetan, bereziki eguerdian eta arratsaldean. Gaur gauerditik aurrera eta larunbateko 12:00ak arte, euri gogorrak direla eta (60 litrotik gora bota ditzake 24 ordutan) ezarritako alerta laranjari ere eutsiko dio Herrizaingo Sailak. Itsasoari dagokionez, gaur (asteazkena), hilak 4, eguerdian 3,5 metroko olatuak izatea espero da eta, egunaren amaieran, 5-6 metrokoak izan litezke. Ostegunean, 6-7 metroko olatuak izatea aurreikusi dute, eta ostiral goizean, berriz, altuerak behera egingo duela eta 3-3,5 metroren bueltan ibiliko dela iragarri dute. Argazkian, otsailaren 10ean sustoa hartu zuten berriro Salsidu-Zubilleta inguruko bizilagunek / Arantza Gutierrez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun