Izango diren kirolak zehatz mehats:
Barrika:
PADELA: Larunbatean, hilak 7, padel txapelketaren ligaxka egingo dituzte, udal pistetan: lehenengo txanda, 10:00etatik 13:00etara; eta bigarrena, 13:00etatik 16:00etara. Finalaurrekoak eta finalak igandean egingo dituzte. Izenemateak, Barrikako Kultur Etxean (946 775 163).
Berango:
HERRI LASTERKETA: Berangoko Atletismo Taldearen lankidetzaz, 12:30ean abiatuko da Sto. Domingo de Guzman ikastetxetik. Ez da aurretik izena eman behar. Ibilbideak 3,5 km izango ditu.
Gorliz:
HERRI KIROLAK: Nahi duten emakume guztiek parte hartu ahal izango dute frontoiko jardueretan, 11:00etatik aurrera.
Lemoiz:
ESKU PILOTA: 11:30etik aurrera izango da, Armintzako frontoian.
Plentzia:
FUTBOLA: 10:00etatik aurrera izango da, futbol zelaian.
PIRAGUA: Barrika Piragua Taldeak eta Plentzia Piraguismo Klubak Emakumeen Nazioarteko Eguneko II. Estropada antolatu dute igande honetarako, martxoaren 8arekin, Butroe-Plentzia errekan. Alde batetik, lauko taldeez osatutako txandakako estropada egingo dute. Talde bakoitzean egongo dira txikiak-kimuak kategoriako arraunlari bat, haur kategoriako bat, turismo mailako bat eta senior-gazteak mailako bat. Estropada horren irteera goizeko 11:00etan izango da. Bestalde, estropada herrikoia egingo dute. Horretan adin guztietako emakumeek parte hartu ahal izango dute. Antolatzaileek plastikozko kayakak jarriko dituzte eskura: K1 mailakoak (arraunlari batekoak) eta K2 mailakoak (bi arraunlariena), hurrenez hurren. Partaideak goizeko 10:30ean egon beharko dute Arkote arraun taldeko arrapalan, zenbakia hartzeko. Hala ere, ontziak erabili ahal izateko, martxoaren 6a baino lehen eman beharko da izena, helbide elektronikoz (bpt[abildua]euskalnet.net) zein telefonoz (685 739 631).
Sopela:
SASKIBALOIA: 10:00etatik aurrera izango da, Urko kiroldegian.
SURFA: 12:00etatik aurrera izango da, Sopelako hondartzan. Inoiz surfa egin ez duten neskek ere parte hartu ahal izango dute. Jantzia eta taula Peña Txuri taldeak jarriko du. Izena emateko: 675 591 266 (Aritxa)
TAI JI: 12:00etatik aurrera izango da, Sopelako frontoian.
URPEKO JARDUERAK: 9:30etik aurrera izango da, Sopelako udal igerilekuetan. Izena emateko: 600 766 446 (Ziortza).
Urduliz:
ESKUBALOIA: 9:00etatik aurrera izango da, Iparralde kiroldegian.
Bigarren urtez jarraian, Kirol Anitzeko Lehiaketa antolatu du, martxoaren 8ko Emakumeen Nazioarteko Egunerako, Uribe Kostako Mankomunitateak. Gauzak horrela, udalerritik udalerrira hainbat kirol jarduera izango da goizeko 9etatik aurrera. Barrikan padela izango da; Berangon lasterketa herrikoia egingo dute; Gorlizen herri kirolak; Armintzan esku pilota; Plentzian futbola eta piragua; Sopelan surfa, saskibaloia, Tai jia eta ur azpiko jarduerak; eta, azkenik, Urdulizen eskubaloia. Sari banaketa, igandean bertan, Berangoko frontoian egingo dute, eguerdiko ordu bietatik aurrera. Hala ere, parte hartzen duten emakume guztiek jasoko dute kamiseta eta oparia. Argazkian, hainbat neskato iaz oroigarria hartzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun