"Prezio ezin hobeak eta produktuen eskaintza zabala" izango da Leioan, asteburu honetan bertan egingo duten Merkaleioako VIII. edizioa dela medio, udal iturriek zabaldu dutenez. Azoka Leioako Boulebardean izango da biharko, ostirala, goizeko 10etatik aurrera. Ostiralean eta larunbatean kalean jarritako saltokiek goizeko 10etatik 20:00etara egongo dira zabalik, igandean berriz,ordu berean zabalduko bada ere 14:00etan azoka itxiko dute. Leioako Merkatarien Elkarteak antolatzen du ekimen hau, eta bertan herriko 16 denda izango dira, denboraldiko produktuak saltzen ohi baino merkeago. Gainera aurten, bisitariek eskuragai izango dituzte inoiz baino eskaintza zabalagoa, besteak beste, poltsak, arropa, oinetakoak, aromaterapia, kirol produktuak eta eskolara bueltatzeko ezinbesteko materiala. Antolatzaileek adierazi duten bezala aurtengo edizioa berrikuntzez beterik dator eta hauetariko garrantzitsuena produktuen eskaintza zabala da. Argazkian, iazko azokako irudi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun