Iturribarri eta Konporteko etxebizitzak, gela batekoak, bikoak eta hirukoak dira eta trastelekua eta garajea dituzte. Beren azalera 90 eta 58,40 metro koadro artekoa da. Etxebizitzetako prezioak Eusko Jaurlaritzak zehazten dituenean emango dituzte ezagutzera. Horiek babes ofizialeko etxebizitzetarako Erkidegoko arautegiak zehaztuko ditu.
Algortako Iturribarri eta Konporte aldeetan Getxoko Udalak sustatutako babes ofizialeko 32 etxebizitzetatik 19 baino ez dituzte banatu gaur goizean. Zozketa notarioaren aurrean burutu da Itzubaltzeta / Romoko Gobela kiroldegian, Imanol Landa alkatea bertan zela. "Zoritxarrak eragin du zozketa bertan behera geratu behar izatea zenbakietako bolak zituen bonboa zabaldu eta horietariko batzuk erori direlako", udal iturriek azaldu dutenez. 32 etxebizitzetatik ezintasunak dituzten pertsonentzako biak, guraso bakarreko familiarentzako biak, kupo orokorrerako seiak eta 35 urtetik beherakoentzat zeuden 22etatik 9 eman ahal izan dira. Udalak gainontzeko 13 etxebizitzak esleitzeko data jakinaraziko du; baita itxarote zerrenda ere. Bitartean, Leioan ere eguerdian egin dute Txopoetako 13 BOEren zozketa, Sakoneta kiroldegian. Argazkian, Gobela kiroldegian egindako zozketa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun