Etxebizitzaren eta emakumeen eskubideen aldeko inauteriak egingo dituzte bihar Plentzian

Plentziako Gazte Asanbladak antolatuta, larunbat honetan, martxoak 7, lehenengo inauteri tematikoak egingo dituzte aipatu Uribe Kostako itsas hiribilduan. Hain zuzen ere, etxebizitza eskubidea aldarrikatzea izango du helburu, 18:30etik aurrera, Plentziako kaleak zeharkatuko dituen kalejirak. Gainera, igandean, martxoak 8, Emakumeen Nazioarteko Eguna izanik, emakumezkoen egoera salatzeko antzezlana ere prestatu dute 17:15erako. Aldarrikapenak aldarrikapen, txupinazoarekin emango diete hasiera inauteriei, eguerdiko 12:15ean. Ondoren, kalejira egingo dute Batukadagaz, 14:30ean Jai Alai pilotalekuan egingo dute herri bazkarira gosez heltzeko. Bazkalosterako euskaraokea prestatu dute. Eta gaueko 10etatik aurrera, Manifa, Auskalo Non! eta Dj Culok joko dute. Argazkian, inauteriak iragartzeko kartela.