Bigarren urtez jarraian, Uribe Kostako Kirol Anitzeko Lehiaketa jokatu zen atzo, martxoak 8, Emakumeen Nazioarteko Egunarekin batera. Horren barruan, padel txapelketa hartu zuten larunbat eta igandean Barrikako udal pistek. Hamabi bikotek parte hartu zuten, lauko hiru multzotan banatuta. Multzo bakoitzeko bi onenak sailkatu ziren igandeko fase finalerako. Txapeldunak Josefina Gonzalez eta Marian Mendia izan ziren, Dori Gonzalez eta Virginia De la Sotari 5/3 eta 5/3 irabazi ostean. Argazkian, padel txapelketan parte hartutako emakume guztiak.
Igande goizean, ligaxka eran jokatu zuten, hiru bikotez osatutako bi multzotan banatuta. Multzo bakoitzeko lehenak sailkatu ziren finalerako. Finalaren ostean eta torneoari bukaera emateko, Barrika Tenis Taldeak hamaikatakoa eskaini zuen. Txapelketan esku hartu zuten: Helen Capper, Itxaso Basañez, Loli Arzubiaga, Mila Orueta, Pilar Zuñiga, Begoña Gutierrez, Inmaculada Sopelana, Ana Arrizabalaga, Marian Mendia, Fatima Diez, Mari Jose Iturbe, Miren Libano, Begoña Intxausti, Amagoia Iturbehormaetxe, Maite Serrano, Josefina Gonzalez, Marian Rodriguez, Nerea Lopez, Dori Gonzalez, Virginia De la Sota, Guruzne Larreategi, Amanda Clark, Maria Deprit eta Maria Berastegi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun