SMS bidez jaso daitezke Getxoko kirol taldeen emaitzak
2009ko mar. 11a, 20:42
Udalerriko goi mailako taldeen gaineko kirol informazioa SMS bidez jasotzeko zerbitzua abian du Getxoko Udalak. Jardunaldiz jardunaldi jokatzen diren partiduetako emaitzak zuzenean izateko aukera ematen du horrek. Zerbitzuan, eta dohainik, izena eman nahi duen orok egin dezake jada, euskaraz edo gaztelaniaz, www.getxo.net/kirolak orrialdearen bitartez (“SMS Zerbitzua”-n klikatu), eta bertan galdetegi txiki bat betez. Izen-abizenak, helbidea, telefonoa eta e-posta idatzi beharko dira.Hain zuzen ere, SMS zerbitzu honek Getxo Rugby gizonezko eta andrazkoen taldeen, Arenas eta Getxo futbol taldeen, Getxo Saskibaloi gizonezkoen eta andrazkoen eta Jolasetako belar hockey gizonezko eta andrazkoen bi taldeen emaitzen berri emango du. Zerbitzuak talde hauen norgehiagoken behin behineko eta azkeneko emaitzak eta markagailuko aldaketak igorriko ditu. Erabiltzaileek nahi duten talderen gaineko informazioa jaso ahal izango dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun