“Ikastaroek denbora igaro ahala sor daitezkeen behar desberdinei aurre egiteko baliabideak eman nahi dizkiete zaintzaileei, menpekotasun egoeran dagoen pertsona bat zaintzea eginbehar luze bihur baitaiteke”, zehaztu du Elena Coria Gizarte Zerbitzuetako zinegotziak. Trebakuntza saioak menpekotasun egoeran dauden pertsonak zaintzen dituzten lagun ez profesionalei daude zuzenduta eta, horietan, familia bereko batek baino gehiagok hartu ahal izango du parte. Interesatuek batean edo bietan parte hartu ahal izango dute.
Ikastaroak
Lehen ikastaroaren gaia, menpekotasun egoeran daudenen zainketa, sor daitezkeen zaintze egoera ezberdinei aurre egiteko estrategiak eta baliabideak eskaintzea izango da. Horretarako, besteak beste, etxebizitza egokitzeko erarik hoberena, mugitzeko teknikak eta menpekotasun egoeran dauden lagunen baliabideak eta eskubideak ezagutzera emango dituzte. Ikastaroaren iraupena 16 ordukoa izango da, astearteetan, apirilaren 21etik ekainaren 9ra arte, 17:30etik 19:30era.
Norberaren zaintza, zaintzea zaintzeko ikastaroaren helburua, berriz, zainketari lotutako arrisku egoerak identifikatzen ikastea izango da; baita beren senideak zaintzen dituztenek beren burua zaintzeak duen garrantzia azpimarratzea ere. Horretarako, zaintze egoeren ondorio fisikoak, psikologikoak, sozialak eta sentimenduzkoak aztertuko dituzte; laguntza eskatzeko beharra agerian uzten dituzten sintomak identifikatuko dituzte eta norbera zaintzeko jarrerak sustatuko dituzte. Ikastaroaren iraupena 12 ordukoa izango da, ostegunetan, apirilaren 23tik maiatzaren 28ra bitartean, 17:30etik 19:30era.
Menpekotasun egoeran dauden senideak zaintzen dabiltzan udalerriko bizilagunei doako trebakuntza ikastaroak emango dizkie Getxoko Udalak. Horiek Europako Gizarte Funtsak (espainolez) tokiko erakundearekin batera finantzatuta Hobetuz 2008 etengabeko laguntzetarako deialdiaren barrukoak dira. Izena emateko epea martxoaren 16tik apirilaren 3ra arte izango da Itzubaltzeta / Romoko Ibar Nagusien Etxean, Lope de Vega kaleko 12 zenbakian, 9:00etatik 13:00etara eta 16:00etatik 20:00etara, astelehenetik ostiralera. Izan ere, bertan emango dituzte eskolak. Izenematea bertara joz edo telefonoz egin daiteke, 944 660 150 zenbakiaren bitartez. Argazkian, menpekotasun egoeran dauden hainbati erizaina joaten zaie etxera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun