Inskripzio orria Bizarra Lepoan elkartearen bulegoan bete arren, umeen izenematea burutzeko hainbat paper eraman beharko dute gurasoek: neska-mutilen Osakidetza txartelaren fotokopia eta diru sarreraren ziurtagiria (Caja Laboral: 3035 0108 06 1081032766). Paper guztiak emateko Algortako Karitate kaleko 1. atarian dagoen Aldai Patronatura jo beharko dute. Bertan, sotoan dagoen 10. bulegoan dena utzi ahal izango dute egun eta ordu hauetan: egunero 10:00etatik 13:00etara eta asteartetan ere 16:30etik 19:00era. Edozein zalantza argitzeko, 944 914 357 telefonora deitu edo bizarralepoan[abildua]euskalnet.net posta elektronikora idatz daiteke.
Entzun (mp3) Goizane Miruri Bapirukeko arduradunak Koska irratiko “Koskaberri” albistegirako egindako adierazpenak.
Getxo udalerriko Bizarra Lepoan euskara elkarteak 5 eta 12 urte bitarteko neska-mutilentzako egonaldi irekiak antolatu ditu Aste Santurako, Bapiruke egitasmoaren barruan. Guztira, zazpi egun aukeratu dituzte, txangoak txango, Algortako Zabala ikastetxean izango diren ekintzetarako: apirilaren 6tik 8ra eta 14tik 17ra, 9:00etatik 13:30era egingo dituzte jolasak eta tailerrak; hilaren 7an eta 15ean izan ezik, 17:00ak arte egongo direla, hurrenez hurren, Sopuerta abenturara eta mendira joango baitira. Horrenbestez, bazkideek astelehenetik asteazkenera egin ahal izango dute izenematea. Ondoren, martxoaren 23tik 25era bitartean, bazkideak ez direnen txanda izango da. Lehenengoek 40 euro ordaindu beharko dituzte, bigarrenek 60 euro; eta Oinarrizko Errenta jasotzen dutenek 10 euro. Argazkian, Bapirukeko begirale eta umeak jolasean, Zabalan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun