Ehun urteko historia du eta denbora horretan Arenasek lorpen garrantzitsuak izan ditu, tartean Alfonso XIII Erregearen Kopa 1919 urtean eta txapelketa horretako bigarren tokia beste hiru bider, 1917, 1925 eta 1927an. Hamarkada horretako amaieran sortu zen gaur egun ezagutzen dugun Lehen Mailako Liga txapelketa. Arenas Club izan zen hamar sortzaileetako bat. Landak azpimarratu du “parke honen izendapenaren bitartez, ehun urtetik gorako gure Taldearen eta auzoaren eta bere bizilagunen bihotzaren artean dagoen lotura eta harreman indartsua islatu nahi dugula, era metaforiko batean, Arenas kirol eremutik haratago joan eta Getxoko udalerriari era hautsezinean lotuta dauden koloreekiko emozioa bizi eta sentitzeko moduaren zati bat baita”. Omenaldia, historian zehar ehun urte betetzen dituen taldea handi egitea lortu duten getxoztar gizon eta emakume guztiei eskaini nahi izan die udal agintariak, “ez bakarrik kirol lorpenengatik, gure gazteen artean kirol jardueraren berezko balioak eta kolore beltzgorriak janzteko gogoa zabaltzeagatik”.
Arenas Clubeko presidente Iñaki Zuazok, bere aldetik, Udalak, bereziki, umeen artean kirola egiteko ohitura sustatzeagatik egindako ahalegina goraipatu du. “Futbolari bikainak ateratzeaz gain, gizaseme bezala hezten lagundu behar ditugu eta egungo gizartean oso garrantzitsuak diren talde balioak buruan sartu behar dizkiegu”, nabarmendu du Zuazok. Arenas taldean egun 9 eta 18 urte arteko 310 gaztetxok entrenatzen dute.
Arenas Club izena jarriko diote Itzubaltzetako Errekagane parkeari
2009ko mar. 18a, 17:22
Getxoko Udalak Arenas Club izena ipiniko dio Itzubaltzeta / Romoko Errekagane parkeari, herriko gune hori konpontzeko eta berriztatzeko lanak amaitutakoan. Udal Bozeramaleen Batzordean ordezkaritza daukaten alderdiek aho batez hartu dute erabakia. Hartara, udal erakunde gorenak aipatu klubaren historia eta ibilbidea omendu eta eskertu nahi ditu mendeurrena ospatuko duen urte honetan, Areetan ez, baizik eta Itzubaltzetan parke bati bere izena emanez. Imanol Landa alkateak gaur bertan adierazi duenez, “Getxoko Udalak Arenas Club taldeari, bere mendeurrena betetzen duelako, esker ona agertu eta omenaldia egiteko borondatea zuelako etorri da erabakia”. Gogoratu ere, Gobernu Taldeak, duela gutxi, 90.000 euroko diru laguntza ematea onartu zuela, Arenasek bere urtemuga berezi hori ospatzeko antolatu asmo duen ekitaldi egitaraua garatu aldera. Argazkian, Arenas futbol taldea.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun