Itsas bazterrak garbitzeko "Ozeano Ekimenak" izenpean Surfrider Foundation-ek Europako kostaldean burutzen duen garbiketa egunarekin bat eginez, Plentzian ere larunbat eta iganderako jarri dute horretarako hitzordua. Antolatzaileek adierazi dutenez, herritar guztiei zabalik dagoen ekimena da, gure itsas-bazter, aintzira eta erreketatik hondakinak jasotzeko asmoz. "Asko dira neguan gure hondartza, ibai eta lakuetan pilatzen diten hondarrak. Izan ere, udan baino ez dira batzen horiek. Gauzak horrela, udaberriko lehenengo asteburua garai egokia da jendartea gure kostalde eta erreken kutsaduraz ohartarazteko", azaldu dutenez. Plentzian ez ezik, Sopelan eta Barrikan ere garbituko dituzte hondartzak, Surfrider fundazioak aipatu duenez. Argazkian, Getxo Surf Taldeko lagunek iaz Barinatxe hondartzan egindako garbiketa.
Nazio Batuen Erakundearen kalkuluen arabera, ozeano kilometro bakoitzean 120.000 plastikozko zati egon daitezke. "Leku batzuetan, plankton kontzentrazioa baino sei bider handiagoa da plastiko kopurua", ohartarazi dutenez. "Hala ere, Europako instituzioek ez dute beti hori kutsaduratzat hartzen", salatu dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun