Hezkuntzako ikasle, irakasle, langile eta eragileen oharra:
Pasa den abenduaren 16an Leioako kanpusean hezkuntza munduko ikasle, irakasle eta langileok espainiar eta frantziar espetxeetan sakabanatuta dauden 700dik gora euskal preso politikoek bizi duten egoera gordina salatu genuen urtarrilaren 3rako Bilbon deitutako manifestazioarekin bat eginez.
Preso politikoen egoerak, baina, larria izaten jarraitzen du. Espetxeetan, beraien aurka mantentzen duten espetxe politika krudela dela-eta, preso politikoen giza eskubideen ukazioa eguneroko ogia da. Aspaldian euskal preso politikoei begira hartzen diren neurriek, bi gobernuek preso politikoak pertsona bezala suntsitzeko politikarekin aurrera jarraitzen dutela gogorarazten digute, biziarteko espetxe zigorra eta gaixo larriei ezarritako heriotza zigorra honen adibiderik lazgarrienak izanik.
Preso politikoei nahiz sakabanaketa krudelaren bidez euren senide eta lagunei aplikatzen zaizkien neurri hauek eteteko, herritarren inplikazioa eta lana ezinbestekoa da hiru aldarrikapen nagusi oinarritzat hartuz:
- Biziarteko zigorrik ez!
- Heriotza zigorrik ez!
- Euskal presoak Euskal Herrira!
Bide honetan, datorren martxoaren 25ean, hilabeteko Azken Asteazkenarekin bat eginez, hezkuntza munduko ikasle, irakasle eta langileok Euskal Herriko kanpus eta fakultate desberdinetan parte hartzeko deia luzatzen dizuegu.
Etzi, martxoak 25, hilabeteko azken asteazkenarekin bat eginez, euskal preso politikoen eskubideen aldeko mobilizazioak burutuko dira Euskal Herriko campus eta fakultate desberdinetan. Presoen Aldeko Taldeek (PAT) gogoratu dutenez, abenduaren 16an, Erandio eta Leioako campusean, "hezkuntza munduko ikasle, irakasle eta langileok espainiar eta frantziar espetxeetan sakabanatuta dauden 700dik gora euskal preso politikoek bizi duten egoera gordina salatu genuen", urtarrilaren 3rako Bilbon deitutako manifestazioarekin bat eginez. "Preso politikoei nahiz sakabanaketa krudelaren bidez euren senide eta lagunei aplikatzen zaizkien neurri hauek eteteko, herritarren inplikazioa eta lana ezinbestekoa da", aipatu dutenez. Hori dela eta, oraingoan ere, hilabeteko azken asteazkenarekin bat egitera deitu dituzte hezkuntza munduko ikasle, irakasle eta langileak. Erandio eta Leioako campusean 11:30ean egin ohi dute kontzentrazioa. Argazkian, abenduaren 16ko prentsaurrekoaren irudia / Gaztesarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun