Amets Ladislao, Xabier Gutierrez eta Ibai Egurrola bihar askatuko dituzte fidantzapean
2009ko mar. 23a, 20:25
Amets Ladislao eta Ibai Egurrola preso algortarrak eta Xabier Gutierrez "Guti" leioaztarra bihar askatuko dituzte, 18.000 euroko fidantza ordainduta, gaur Amnistiaren Aldeko Mugimenduak Askatu.org bitakoran jakinarazi duenez. Pasa den abenduaren 8an atxilotu zituen Irunen Guardia Zibilak, Aitor Artetxe ustezko ETAko kideari ihes egiten lagundu izana egotzita. Operazio horretan Guardia Zibilak bi egun geroago atxilotutako Marimertxe Alcocer algortarrak eta Maribel Prieto berangoztarrak bezalaxe "bortizki torturatuak" izan zirela salatu zuten hirurek. Prietok ere 18.000 euroko fidantza ordaindu behar izan zuen eta otsailaren 20an askatu zuten. AAMk oraindik ez du zehaztu kartzelatik zein ordutan aterako diren, ezta lehen harreraren hitzordua ere. Argazkian, martxoaren 6an, Maribel Prietori Algortan egindako ongi etorri ekitaldia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun