![](http://farm5.static.flickr.com/4054/4455050710_5aeecc103a_m.jpg)
Hilero bezala, martxoaren azken ostiralerako, hainbat kontzentrazio deitu du
Etxerat euskal preso politikoen senideen elkarteak Euskal Herri osoan. Uribe Kostan eta Erandion bederatzi hitzordu izango dira: 19:30ean, Armintzan, bus geltokiaren aurrean; 20:00etan, berriz, Erandion, metro aurrean; Leioan, Bulebarrean; Itzubaltzeta / Romon, Xake plazan; Algortan, Telletxe plazan; Berangon, Gudari enparantzan; Sopelan, udaletxe aurrean; Urdulizen, BBVAren aurrean; eta Plentzian, zubiko "Pirulin". Hain zuzen ere, deialdi horrekin bat eginez, Algortako Telletxe plazan,
Xabier Galdeano gogoan izango dute ostiral honetan, "GALen izenean Espainiako polizia indarrek Donibane Lohizunen hil eta 25 urtetara", Uribe Kostako Amnistiaren Aldeko Mugimenduak
Etengabe bitakoraren bitartez iragarri duenez. Hain zuzen ere, gaur zortzi, hilaren 30ean, izango dira urteak, erail zutenetik. Argazkian, urtero egiten diote omenaldia Xabier Galdeanori, martxoko azken ostiralean.