Amnistiaren Aldeko Mugimenduaren irakurketa:
AAMtik pozez hartzen dugu zortzi euskal preso politiko hauen kaleratzea eta herritarrei dei egiten diegu kaleratu berriei egingo zaizkien harrera eta Ongi Etorrietan parte hartzeko. Una hauetan gogora ekarri nahi dugu oraindik orain espainiar estatuko espetxeetan ugari direla lan politikoa egin izanagatik preso dauden euskal herritarrak. Espainiar estatuan lan politikoa espetxearekin ordaindu daiteke, eta zortzi hauen kasua da horren adibide argiena. Hauteskundeetan parte hartu nahi izanagatik atxilotu, espetxeratu eta ehunaka kilometrotara sakabanatuak izan dituzte.
Besterik gabe, errepresioaren aurkako lanean jarraitzeko deia luzatzen diegu herritarrei.
Eli Zubiaga, Iker Rodrigo eta Arantza Urkaregi datozen orduotan aterako dira kalera
D3Mren aurkako operazioan, urtarrilaren 23an Espainiako Poliziak atxilotutako zortzi lagunak hurrengo orduetan aterako dira espetxetik, 6.000 euroko fidantza ordaindu ostean. Amnistiaren Aldeko Mugimenduak zehaztutakoaren arabera, Eli Zubiaga algortarra eta Iker Rodrigo lutxanarra bihar geratuko dira aske, lehendabizi Soto del Realen (Madril, Espainia) sartu eta, ondoren, Kordobako -Getxotik 818 kilometrotara- eta Toledo aldeko Ocaña II -Erandiotik 479 kilometrotara- espetxeetara eraman ostean. Arantza Urkaregi EHUko irakasle bilbotarra, berriz, gaur bertan kaleratuko da, Pontevedrako A Lama espetxean eduki ostean. Beraien herri eta auzoetan lehen harrerak egingo zaizkie. Argazkian, orduko atxiloketak salatzeko manifestazioa Altzagan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun