Munarrikolanda taldekoek azaldu dutenez, Pico del Cordeletik Europako Mendiak ikus daitezke, baita Alto Campoo eta itsasoa bera ere, eguraldiak laguntzen badu. Bertatik aukera izango dute nahi dutenek Cujeto Ropero igotzeko (1.974 metro). Joan zein ez La Colladiara itzuliko dira ondoren eta, bertatik, Palombera-ra arte jaitsiko dira. Bertan egongo da autobusa zain. Elurra egiteko arriskua badago, kranpoiak edota pioleta eramatea gomendatzen da.
Alto Campoora egingo dute txangoa igandean Munarrikolanda taldeko mendizaleek
2009ko mar. 24a, 19:48
Sopelako Munarrikolanda mendi taldeak irteera antolatu du igande honetarako, martxoak 29, Kantabria aldeko Alto Campoo ingurura, bertan mendi txangoa egiteko. Ibilbidea Hoz de Abiada herrian hasiko da. Larre eta soroetan zehar doan bidetik gora 1.725 metrotako La Colladia gainera iritsiko dira. Bertatik ekingo zaio jardunaldiko igoera nagusiari, 2.060 metrotako Pico del Cordel delakoa. Autobusa goizeko 7etan abiatuko da, Sopelako San Pedro elizaren ondoan dagoen geralekutik. Algortatik hamar minutu beranduago igaroko da Getxo I Institutu ondoan dagoen Zubilletako autobus geltokitik. Salneurriari dagokionez, 13 euro ordaindu beharko dituzte bazkideek eta 15 euro bazkide ez direnek. Horrenbestez, interesatuta daudenek xehetasun eta baldintza guztiak 696 731 662 telefono zenbakira deituz galdetu ahal izango dute. Taldearen egoitzak honako helbidea du: Trokabide, 1. Izen-emateak ostegunean egin daitezke 20:00etatik 21:30era. Argazkian, Munarrikolandako mendizaleek Autzara (Nafarroa) egindako irteera.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun