Getxoko Udaltzaingoak bi gizonezko atzeman ditu, iruzurra egiteko asmoz, Getxoko Udalaren izenean elkartasun ekimenentzat etxeetan dirua eskatzen ibili diren gaizkileak direlakoan. Hala ere, bi horiek Espainiako Poliziaren esku jarri dituzte, "Estatuan legez kanpo egotea leporatuta, kanporatuak izateko agindua dagoelako", tokiko iturriek adierazi dutenez. Martxoaren hasieran, Udalak herritarrak ohartarazi zituen pertsona batzuk etxez etxe diru eske ari zirelako, ustezko ongintzako helburuak aurrera eraman ahal izateko. Iruzurgileekin erne egoteko eskatu eta Getxoko Udalak horrelako bilketa kanpaina egiteko baimenik ez duela eman argi utzi zuten tokiko agintariek.
Astearte goizean, hilak 24, Areetako hiru etxebizitzetara jo eta bertan dirua eskatu zuten Getxoko Udalaren izenean bi lagunek, bere esanetan, adingabeko bati bere jaioterrian sendabidea eskaintzeko dirua eskatuz, Getxoko Udaltzaingoak zabaldutako bertsioaren arabera. Auzokide bat iruzurraz ohartu zen eta berehala udaltzainei deitu zien. Tokiko poliziek etxe horren ondoan aurkitu zituzten atxilotutako gizonak, "biak antzeko delituengatik aurrekariak zituztenak eta Estatu espainiarretik egozteko aginduak zituztenak, beren egonaldia legez kanpokoa baita". Hori dela eta, Espainiako Poliziaren eskuetan geratu dira. Udaltzaingoa, bere aldetik, inputatuei Getxon urtearen hasieratik gertatutako antzeko delituak egozteko izapideak egiten ari da, gutxienez hainbat etxeetan egindako horrelako beste 10 iruzur kasuekin zer ikusia dutelakoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun