Getxoko Udala 1996az geroztik ari da bultzatzen Oporrak Bakean kanpaina eta, une hauetan, Sahararen aldeko Atfal elkarteak eramaten ari da aurrera, 1999an sinatutako hitzarmenari esker. Iaz 12 mutil eta 4 neska etorri ziren Getxora eta Udalak 14.960 euro ipini zituen ekimenerako. 1996tik hona (1998an izan ezik ustez erreferenduma egin behar zelako) 134 haurrek, 86 mutilek eta 46 neskak, igaro dute uda familia getxoztarrekin eta Udalak emandako diru kopurua 137.000 eurokoa da, besteak beste honako gastu hauetarako: kanpamenduetatik etortzeko eta joateko bidaiarako; txangoetarako eta ekitaldietarako; haurrentzako ekipamenduetarako (txanoak, txankletak, bainujantziak…); harrera jairako; saharar eta bertoko begiraleentzat eta harrera-familiarentzako psikologoarentzat. Bestalde, Getxo Kirolak udal erakundeak haurrak eta laguntzaile bat instalakuntzetan sartzea errazten du.
Julio San Roman Atfal elkarteko zuzendariak, familia getxotarrak animatu ditu harreran parte hartzera, “baldintza hobeagoetan uda igarotzeko umeei aukera emateaz gain, familientzat oso esperientzia aberasgarria baita haurrengandik jasotzen dutenagatik”. Saharar haur bat etxean hartzeko baldintza bakarra udalerrian erroldatuta egotea da, “familia mota ugari izaten baitira, gaur egun gizartearen isla”, San Romanek azaldu duenez.
Udan saharar ume bat etxean hartu nahi duten familiek zabalik dute izenematea Getxon
Tindouf-eko (Aljeria) errefuxiatuen kanpamentuetatik umeak ekarriko ditu aurten ere Sahararen aldeko Atfal elkarte getxoztarrak, uztaila eta abuztua gure artean igaro dezaten. Gauzak horrela, apirilaren 30era arte izango dute familia getxoztarrek 7 eta 12 urte arteko neska-mutil horietako bat hartzeko izena emateko aukera. Oporrak Bakean kanpainaren helburuak umeen oinarrizko premiak asetzea, mediku-arreta egokia eskaintzea, kultura trukatzea eta sahararrek pairatzen duten egoeraz herritarrak sentsibilizatzea dira”, gaur ekimenaren aurkezpenean Begoña Ezkurra Getxoko Udalaren Garapeneko Lankidetza zinegotziak aipatu duenez. Tokiko erakundeak diruz laguntzen du ekimena. Interesatuek informazio gehiago Atfal elkartean (658 751 359 / atfalgetxo[abildua]gmail.com) edo Getxoko Udaleko Garapeneko Lankidetza Sailean (944 66 00 17 / lankidetza[abildua]getxo.net) lor dezakete. Argazkian, iaz etorritako saharar umeetako batzuk udaletxean egindako harreran.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun