Pedro Guallar
Bergaran jaio zen Pedro Guallar eta Donostiako Kontserbatorioan ikasi zuen pianoa, organoa eta konposizioa eta Bartzelonan osatu zuen bere prestakuntza. Egun irakasle lanak Bilboko Juan Crisostomo de Arriaga kontserbatorioan, organo-jole jarduera eta organo piezen konposizioa uztartzen ditu.
Ostiral honetan, apirilak 3, Jose Antonio Urdiain tenorrak kontzertu sakroa eskainiko du Algortako Trinitarioen elizan, arratsaldeko 8:15ean, Pedro Guallar organo-joleak lagunduta. Saioan, artista bilbotarrak honako musikagile hauen piezak abestuko ditu: Händel, Bach, Mascagni eta Bizet, besteak beste. Kontzerturako sarrera doakoa da. La Salle ikastetxeko haur abesbatzaren baitan hasi zen Jose Antonio Urdiainen musika zaletasuna. Musika ikasketak Bilbon egin eta gero, baritono jarduera hasi zuen eta, horren ondoren, bere prestakuntza osatu zuen New Yorken eta Berlinen. Artista bizkaitarra Bartzelonako, Madrileko eta Bilboko opera denboraldietan aritu da eta beste herri batzuetan antzeztutako lanetan abestu du, esaterako, Parisen, Berlinen, Hegoafrikan, Kuban eta Estatu Batuetan. Halaber, zenbait disko grabatu ditu Bilboko eta Euskadiko orkestra sinfonikoekin eta Juan Crisostomo de Arriaga eta Espainiako telebista publikoaren orkestrekin. Azken horrekin "Zortziko" izeneko diskoa grabatu zuen Bilboko Hiriaren 700. urteurrena ospatzeko. Argazkian, musika emanaldia hartuko du Trinitarioen elizak / Mi Getxo.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun