Larunbat honetan, apirilak 4, Izenik Ez Itzubaltzeta / Romoko musika talde beteranoak eta Algorta, Txoriherri eta Berrizko lagunek osatutako Alproja bandak kontzertua eskainiko dute Itzubaltzeta gaztetxean, lehenengoen 15+1. urteurrena dela ta. Arratsaldeko 8etatik aurrera bideoak egongo dira ikusgai. Kontzertua, berriz, 22:00ak aldera hasiko da. Ikasle eta langabetuak bi euro ordaindu beharko dituzte. Gainerakoek euro bat gehiago. Alproja taldeak erabateko lotura dauka Izenik Ezekoekin. Izan ere, itzubaltzetarrak 1993an sortu eta hurrengo urtean "Beti Galerna" maketa atera bazuten, Alprojaren oinordekoak izatea izan zuten abantaila. Izan ere, Alprojakoek 80eko hamarkadan bi erromeria taldetik sortu zuten eta makina bat kontzertu eman ostean 1993an utzi zioten jotzeari. Hori dela eta, talde berriari bateriaren pieza batzuk eta baxua ematea deliberatu zuten. Argazkian, Izenik Ez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun