Bulegoaren ordutegia honako hau izango da: apirilaren 9tik ekainaren 14ra arte, eta irailaren 16tik urriaren 12ra arte, 11:00etatik 14:00etara eta 16:00etatik 19:00ak arte, eta jaiegunetan 10:30etik 14:30era eta 16:00etatik 20:00ak arte. Goi-denboraldian, ekainaren 15etik irailaren 15era arte, 10:30etik 14:30etara eta 16:00etatik 20:00ak arte.
Bizkaiko Zubian beste turismo bulego bat jarriko du Getxoko Udalak hainbat hilez
Getxoko Udalak aldi baterako turismorako informazio bulego berri bat zabalduko du Bizkaiko Zubiaren ondoan datorren ostegunean. Bulego hori egunero zabalduko dute Aste Santuko oporrak eta Hispanitatearen eguna bitartean, apirilaren 9tik urriaren 12ra, alegia. Horren bidez, udalerriak bisitariei eskaintzen dien arreta zerbitzua indartu nahi dute. Joan den urtean jasotako emaitza onak kontuan harturik, aurten Bizkaiko Zubiaren ondoan dagoen zerbitzu horri garrantzi berezia emanez jarraituko da monumentu honetara turista asko hurbiltzen direlako, batez ere Gizadiaren Ondarea izendatu zutenetik. Interesatuek udalerriak eskaintzen dituen errekurtso turistikoei buruzko informazioa jaso ahal izango dute, hala nola, Araba, Bizkaia eta Gipuzkoari buruzkoak. Halaber, zerbitzu turistikoetarako erreserbak egin ahal izango dira bertan eta opariak eta oroigarriak erosi ere. Argazkian, hainbat azoka tarteko Algortako Telletxe kalean ere aldi baterako turismoa bulegoa jartzen ohi du Udalak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun