Jorge Alvarez iruindarrak eskuratu du aurtengo Cesar Uceda saria

Erabiltzailearen aurpegia Ukberri 2009ko api. 8a, 12:51
Orain bi larunbat, martxoaren 28an, Cesar Uceda sariak banatu ziren Kultur Leioan. Leioako Udalak urtero antolatzen duen ekitaldi honetan sei kontserbatorio ezberdinetako 12 gazte aurkeztu ziren, baina azkenik, aurtengo saritu nagusia Iruñeko Pablo Sarasate Musika Eskola Profesionaleko Jorge Alvarez biolontxelo ikasleak eskuratu zuen. Iruindarrak 600 euro eta plaka bat irabazi zituen. Epaimahaiak adierazi zuen bezala, "aurten ere aurkeztutako gazteen maila oso altua izan da". Hori argi geratu zen sari banaketen ostean emandako kontzertuan. ETA erakunde armatuak 1982ko azaroaren 18an hil zuen, Bilbon, Cesar Uceda Vera Espainiako Armadako teniente eta Leioako Musika Eskolaren hastapenetan bertoko irakasle zena. Ordutik hona, hainbat omenaldi egin zaizkio udalerri leioaztarrean eta, orain hiru urte, musikari gazteen lehiaketa egiten hasi ziren. Beraz, laugarren edizioa izan du aurtengoa txapelketak.
Gainontzeko sarituak hurrengokoak izan ziren: bigaren saria, 450 euro eta plaka, Elisa Rodriguez (biolontxelo) eta Nicole Crespo Donostiako Francisco Escudero Musika eskolatik; hirugarren saria, 300 euro eta plaka, Maria Rallo (biola) Irungo Udal Musika Eskolatik; eta aipamen berezia, Ivan Carrascosa (trompa) Leioako Udal Musika Eskolatik. Lehiaketara aurkeztu diren ikasleak sei musika eskola desberdinetik heldu ziren: Bilboko Juan Crisostamo de Arriaga, Barakaldo Udal Musika Eskola, Irungo Udal Musika Eskola, Donostiako Francisco Escudero, Iruñeko Pablo Sarasate Musika Eskola Profesionala, eta Leioako Udal Musika Eskola.
Kultura Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun