Datozen egunetan ere ekimen gehiago egingo dira, Izuran burutuko den mahai ingurua kasu. "Zer nolako instituzioak Ipar Euskal Herri barnealdearen erronka eta zailtasunei buru egiteko?" Galderari erantzunaz arituko dira Frantxoa Maitia (Kontseilari orokor sozialista eta Hautetsien Kontseiluko lehendakari ordea), Xabi Larralde (Batasuneko kidea), Jean Lissar (Erregioko Kontseilari berdea) eta Jean Lassalle (Modem-eko diputatua). Arratsaldeko 20:00etan izango da Izurako Herriko Etxean.
Dena prest da apirilaren 12an burujabetzaren aldeko herritarrak Irun- Hendaia artean jasotzeko. Hona hemen bertaratzen diren herritarrek topatuko dutena:
Egitaraua:
11:30ean, martxa nazionala. "Aldaketa garaia, burujabetza garaia". Irungo Ficoba Erakustazokatik Hendaiara. Ondoren eguneko ekitaldi nagusia.
14:30ean, bazkari herrikoia mila lagunentzat. Bazkariko txartelak egunean bertan eskuratu ahal izango dira, ez lehenago (20 euro).
16:00etan, kantaldia.
17:00etan, haurrentzako eskaintza.
17:00etan, Anje Duhalderen emanaldia.
18:30ean, "Dantza Piko" emanaldia Patxi eta konpainiaren eskutik.
Egun osoan zehar Hendaiako Gaztelu Zahar frontoian txosnak, musika, bokatak...
Aberri Egunari atxiki zaizkion alderdi politiko, sindikatu eta eragile sozialak:
- Eusko Alkartasuna
- Abertzaleen Batasuna
- Batasuna
- Aralar
- LAB
- HIRU
- EHNE (Bizkaia eta Gipuzkoa)
- Maltzagako Mahaia
- ESAIT
- Euskaria
- Bai Euskal Herriari
- Ikasle Abertzaleak
- Euskal Herrian Euskaraz
- Anitzak
- Euskal Herriak Bere Eskola
- Euskal Komunistak - PCPE
- Sortzen Ikasbatuaz (nazio iraunkorra)
- Bilgune Feminista
- Elkartzen
- Askapena
- GITE- IPES
- Amnistiaren Aldeko Mugimendua
- Gazte Independentistak
- Iratzarri
- Euskal Herriko Gazte Kontseilua
Dei berezia egiten dugu, burujabetzaren alde, aldaketaren alde, apirilaren 12an Irundik irtengo den martxa nazionalean parte hartzera eta nazioaren eguna ospatzera. Aberri egunean etxeko balkoian euskal ikurrak jartzera animatu nahi ditugu herritarrak. Aurten inoiz baino gehiago. Nazio bat garela ikus dadin, ikusi nahi gaituenak ikus gaitzan, Euskal Herrian sinesten dugunok elkar ikus dezagun.
Azkenik, gogorarazi nahi dugu www.naziogunea.net atarian eskura dagoela Aberri Egunaren inguruko informazio gehiago eta kontu korronte bat badela ekonomikoki ekarpena egin nahi duten ororentzat: 3035 0029 69 0290083347
Aldaketa garaia, burujabetza garaia.
Nazio Eztabaida Gunea
Nazio Eztabaida Guneak sustaturik, martxoaren 7an, Euskal Herri osoko ia 90 lagunek Aberri Egun bateraturako deialdia egin zuten. Deialdi hartan, apirilaren 12ko ekitaldietan parte hartzeko deia egitearekin batera, abertzaleei eta oro har herritarrei, aurretik giroa berotzeko eta burujabetzaren alde iniziatiba hartzeko gonbitea egin zitzaien. Ezberdintasunen gainetik, nazio bat garela eta geure buruaren jabe izateko aldarriarekiko herritarren babesa eta parte hartzea sustatzeko. Asko izan dira Euskal Herrian zehar burutu diren ekimenak Aberri Egunaren testuinguruan. Batzuk aipatzearren, Donostian alderdi politiko abertzaleekin egin mahai ingurua, ikurrinaren alde egindako ekimenak; manifestazioak Bilbon edo eta Atarrabian, omenaldia Santurtzin edo Portugaleten, ikurrina herritarrei banatuz edo herri sarrera edo mendi tontorretan ipiniaz eginiko hamaika. Aberri Egunerako deia zabaltzeko ere herritarrek ekimen mordoa burutu dute, irudimena kasu batzuetan nagusitu delarik; Gasteiz kantuz taldean, Arabako hiriburuko kaleetatik zehar ibili zen kantari, Aberri Egunerako agiria banatu eta horrela deialdia gasteiztarren artean zabalduz. Argazkian, martxoaren 7an herritar ugarik egin zuten Aberri Eguna bateratua Irun-Hendaia artean osatzeko deia Donostian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun