Algortako Gazte Asanbladak (AGA) dioenez, "hiru urte ez dira egunero betetzen". "Oztopo guztien gainetik, Algortako gazteen ametsak aurrera darrai", gaineratu dutenez. Izan ere, hiru urte hauetan, "traba eta oztopo ugariri" egin behar izan diete aurre Txorimaloko neska-mutilek, "kamara ezkutuak, lapurretak eta jazarpen poliziala" tartean izan direla. "Hala ere, gaztetxeak gogotsu ekiten dio bideari, zirikatzen eta errealitatea egunero eraldatzen", azpimarratu dutenez.
"Hiru urte hauetan zehar, ekimen zein borroka ezberdinak burutu izan ditu gaztetxeak; aisialdirako tailerrak, eskaintza kulturala, zein gazteen eskubideen aldarrikapenak gailendu dira. Horrela, herrian esparru ezberdinetan lan eginez, gaztetxearen beharra egunez egun agerian geratu da", AGAk azaldu duenez.
Horrenbestez, honako hauek dira oraindik gelditzen diren ekimenak:
Apirilak 15, eguaztena
Getxoko Txorimalo gaztetxean.
17:00 Agroolinpiadak (ekarri aldatzeko arropa).
20:00 Bakarrizketa, Jon Plazaolaren eskutik.
Apirilak 16, eguena: Herriaren eguna
Algortako Txiki Otaegi plazan.
11:00 Umeentzako puzgarriak, jolasak.
18:00 Koblakari zirko erakustaldia, Ukelele jaunaren eskutik.
21:00 Film labur gaua.
Apirilak 17, barikua
19:00 Herri Okupazioa.
21:00 Antzerkia, Txorimalo gaztetxean.
22:00 Folk jaialdia.
Apirilak 18, zapatua: Txorimalo eguna
Getxoko Txorimalo gaztetxean.
11:00-13:00 III. Tortilla Txapelketa.
13:30 Artzain txakur erakusketa.
15:00 Herri bazkaria.
19:00 Kontzertuak: Etsi gabe, Bilbomatiks eta Neguri Gorriak.
Ta gaupasa DJ Bull-ek alaiturik.
"Borrokari esker" lortutako Txorimalo gaztetxearen III urteurreneko ekitaldiak abiatu dituzte
2009ko api. 15a, 20:42
Pozarren pozez ekin zioten atzo 50 bat lagunek Getxoko Txorimalo gaztetxearen hirugarren urteurreneko ekitaldiak ospatzeari. Algara artean, gainera, Algorta eta Getxoko gazteek okupatutako etxeak pasa den apirilaren 10ean hiru urte bete zituelako gazteriarentzako zentro sozial bezala. Baina, aldi berean, erne agertu ziren Algortako Gazte Asanbladako kideak. Izan ere, irakurritako komunikatuan salatu zutenez, behin eta berriro "errepresioa" zer den nozitu behar izan dute eta horren adibide franko eman zituzten: orain artean hustu, bota edo itxitako gaztetxeak, pintaketa faxistak, bideo-kamera ezkutuak edo oraindik orain Mentxakabarriko kaleratzea dela eta, epaitegietan auziperatuta dauden hainbat lagunak. Era berean, gaztetxearekin lotutako gazteei ezezik hainbat arlotan militantzian jarduteagatik "etxetik urrun" daudenei ere beraien elkartasuna adierazi zieten. Horretaz gain, txupinazoa, bertsolariak, komunikatua eta zorion kanta (mp3), aurreskua, luntxa, traka eta aurreko urteetako bideoen proiekzioez gozatu zuten bertaratutako gazteek. Gaur, berriz, agrolinpiadetan lehiatzen ari dira, ondoren Jon Plazaolaren bakarrizketa entzuteko eta astean zehar ekitaldiek jarraituko dituzte.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun