Diziplina hau beste modalitate batzuekin ere uztartuko dute, adibidez, La Industrial Teatrera katalanen “Rojo” ikuskizuna non zirkuak ere garrantzi handia duen. Ametsak egi bilakatzen diren proposamen honek Palau i Fabreren poema baten eta Shaun Tanen "El arbol rojo" lanean du abiapuntu eta oinarria. Jatorria argentinan duen Nanny Cogorno pailazoa, berriz, Castellotik dator, “Lunatik” proposamenaren estreinaldia aurkezteko eta munduan dauden “eroei” omenaldi aparta eskaintzeko xedez.
Japon, Belgika eta Txile
Espainiar Estatutik kanpo Leioara helduko diren hamabi taldeetatik, Elliot, Teatro Gestual de Chile, 1Watt eta Sivouplaitek clown-a ardatz duten antzezlanak aurkeztuko dituzte. Japonetik, Sivouplait mimo bikoteak “Silences Amusants” lana aurkeztuko du, irudimenaren bidez bidai bat egiteko gonbidapena luzatuz. Bestalde, Teatro Gestual de Chilek bi ikuskizun aurkeztuko ditu kalean: lehenengoa, “Su-Seso Taladro”, ikuskizun azkarra bezain dibertigarria da. “Fisura-dos” lanak, berriz, Murmullo eta Metralleta pertsonaiak aurkezten ditu, kaleen jabe egingo diren bi pertsonai xelebre, alegia. Bitartean, hiriaren estruktura eta aukera ezberdinez baliatzen da Pierre Pilate, 1Watt talde belgikarraren partaidea, “En perfecto estado de marcha” ikuskizunean. Azken ikuskizuna, Elliot belgikarraren “Rock Comedy Show” izango da, barrea eta umorea lagun, Kultur Leioako Auditoriumean izango du hitzordua ikuslegoak, maiatzaren 23an.
Clown-a oinarri duten hamar ikuskizun aurkeztuko ditu aurten Leioako Umore Azokak
2009ko api. 16a, 21:04
Leioako Umorearen Kale Artisten Azokak bere hamargarren urteurrena ospatuko du maiatzaren 21etik 24ra bitartean. Umore Azokaren edizio berri honetan parte hartuko duten 49 taldeen artean bederatzik clown-ean oinarritutako hamar ikuskizun aurkeztuko dituzte –bederatzi kalean eta bat areto barruan-, guztiek barrea lagun dutela, antolatzaileek aurreratu dutenez. Horietatik hiru dira Leioan izango diren Euskal Herriko taldeak, estreinaldi banarekin gainera. Aurten ere Ganso Clown y Cia taldeak ikuskizun berria aurkeztuko du Umore Azokan. Iaz, Renato izeneko pertsonaia aurkeztu eta gero, oraingoan, “Caidos del cielo” antzezlanarekin, clown-a eta poesia izango ditu lagun. Kukubiltxo antzerki taldeak, berriz, “Mortimer” lana estreinatuko du; Aritza Rodriguezek sortu eta egileak berak antzezten duen helduei zuzendutako umorez beteriko bakarrizketa. Euskal taldeen azken estreinaldia Teatro Salitreren eskutik helduko da eta kaleak magiaz, barrez eta janari gozoz beteko dituzte, chef berezi baten esku dakarten “On egin mon amour” ikuskizunarekin. Argazkian, Kataluniako La Industrial Teatrera taldearen “Rojo” ikuskizuna.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun