"Orain bi denboraldi Pozuelon bizitakoa errepikatzea espero dugu, orduan bezala gure aurkariak ez baitu ezer jokoan. Hori bai, kontuan izan behar dugu gureek, beste batzuen emaitzen mende egoteaz gain, itxaron egin beharko luketela Ohorezko Dibisioari eusteko, baldin eta bere aldeko karanbola guztiak gertatzen badira", adierazi dute Getxo Artea taldeko arduradunek. Izan ere, asteburu honetan, zuzeneko jaitsierako plaza jokoan dago, baita promozioa ere, Ohorezko B Dibisioko bigarren taldearen aurka jokatuko dena (bigarrena kanporaketako partidetatik irtengo da).
Baja nahikotxo
Getxo berriro ere koadroan bidaiatuko da, animo gutxirekin, joan den asteko porrotaren ondoren, amildegiaren ondoan utzi zuena. Zenbait jokalarirekin zalantza dago, arazo fisikoak direla medio. Horrez gain, bi gizon garrantzitsuk baja izango dira, zigorra betetzeko: David Hernandez hirugarren lerrokoa eta David Martin hiru laurdenekoa. Gainera “Tato” Duran bigarren lerrokoa Argentinan dago, famili arazoengatik, eta Lee bigarren lerrokoa lesionaturik dago. Taldea, ordea, zentraturik dago. Ondo daki, zaila bada ere, guztia eman behar duela estatuko onenen artean iraungo badu.
Hona hemen, laburbilduta, Getxok zuzeneko jaitsiera jasan ez dezan dauden aukera eta konbinazioak:
- Getxok bonusik gabe irabaztea eta Les Abellesek galtzea, 2 bonus puntu atera gabe.
- Getxok bonus batekin irabaztea eta Les Abellesek galtzea
- Getxok bonus batekin irabaztea eta Les Abellesek bonusik gabe berdintzea.
- Getxok bonus batekin berdintzea eta Les Abellesek bonus gabe galtzea.
Orain bi asteburu, Valladolideko Quesos Entrepinares taldearen aurka Faduran galdu ostean, Espainiako Rugby Ligako Ohorezko Mailan jarraitzeko aukera gutxi geratzen zaizkio Getxo Arteari. Igande honetan, apirilak 19, dagoeneko ligako eta Superkopako txapelduna den CRC Madril taldea izango dute aurkari hori-beltzek. Pozueloko Valle de las Cañas zelaian irabazi eta itxarotea besterik ez zaio geratzen Getxo Arteari. Ahalik eta punturik gehien lortu behar ditu, eta halere atzamarrak gurutzatu, Cajasol Cienciasek, Valentzian, Les Abelles taldeari irabaz diezaion. Horrela, beste aukera bat izango lukete Fadurakoek, Ohorezko B Dibisioko bigarren taldearen aurka jokatu eta irabazita, Ohorezko Mailari eusteko. Igandeko partida 12:30ean hasiko da, epailea Raposo valladolidtarra izango dela. Argazkian, orain bi asteko partida, Valladoliden aurka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun