Pasa den urtean bertan 390 atxilotu burutu zituzten polizia gorputz ezberdinek. Errepresioaren aldeko apustu itsuan jarraitzen dute Rubalcaba eta enparauek, eta horretarako gobernu faxistek ohikoa duten gerrarako propagandarekin nekatzen gaituzte polizia operazio bakoitzaren ondotik. Komunikabide nagusiak bozgorailu bezala hartu eta gezurra eta manipulazioa egunerokoak bihurtu dira gatazka politikoarekin lotura duen edozein gertaeren aurrean.
Euskal Herriak bizi duen gatazka politikoa eskubide demokratikoen ezarpenarekin etorriko da, ez salbuespen egoeraren ezarpenarekin. Luze baino lehen gatazka politikoaren konponbidean urratsak emateko deia egiten dugu Amnistiaren Aldeko Mugimendutik, herri honen eskubideetan oinarrituriko akordiorako bide bat irekiz, gatazka politikoari irtenbide politiko bat ematearen alde eginez.
Bitartean errepresioari aurre egiteko deia egiten dugu. Amnistiaren Aldeko Mugimendutik datozen egunetan Durangon eta Gasteizen burutuko diren mobilizazioetan parte hartzeko deia egiten dugu, eta aurrerantzean ere modu honetako erasoen aurrean mobilizatzeko eta erantzuteko deia egiten dugu.
AAM: "gobernu faxistek ohikoa duten gerrarako propagandarekin nekatzen gaituzte"
2009ko api. 20a, 16:41
Asteburu honetan Euskal Herrian eta Herrialde Katalanetan espainiar eta frantziar okupazio indarren eskutik atxilotuak izan diren bederatzi euskal herritarrak inkomunikatuak aurkitzen dira [(AAMk baieztatutako Sergio Bravo, Asier Ortiz de Guinea, Olaritz Arakama, Igor Garcia, Jonathan Gerra eta Gorka Iriarte eta Polizia informazioen araberako Jurdan Martutegi, Gorka Azpitarte eta Alex Uriarte)]. Amnistiaren Aldeko Mugimendutik bereziki kezka agertu nahi dugu espainiar poliziaren esku aurkitzen diren herritarrengatik. Orain dela aste gutxi Hernanin atxilotuak izan ziren herritarren ahotik iritsitako tortura testigantzek berriz mahai gainean jarri ziguten basakeria honen errealitatea. Beraz, gure aldetik argi dugu sei euskal herritar hauek benetako tortura arriskuan aurkitzen direla. Frantziar eta espainiar poliziek eskuz-esku burutu duten operazio honek agerian utzi du berriz ere estatuen mozkorraldi errepresiboaren neurria. Atxiloketa bakoitzaren ondoren harrokeriaz jositako deklarazioekin datozkigu, jakitun izanik atxiloketa eta espetxeekin ez dutela Euskal Herriarekin duten arazo politikoa konponduko. Frankismoaren amaieraz geroztik 35.000 euskal herritar baino gehiago atxilotuak izan dira gatazka politikoari loturik. Argazkian, Alfredo Perez Rubalcaba Espainiako Barne ministroa / Askatu.org.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun