Marisa Arruek esandakoaren arabera, “Getxoko Kultur Etxeak pailazo hauek aspalditik eta urtez urte zelan kontratatzen dituen aho bete hortz ikusten dugu Alderdi Popularrekook. Ustezko pailazoak diren EHko zinegotzi ohi horien aurrekariak gogoratzeko beharrik ez delakoan nago. Txikienak dibertitu eta haiekin olgatu baino adorea emateko hitzaldi terroristez toxikatu eta irakasten die”. Horren adibidetzat jarri dute pailazoek sakabanaketaren aurka egindako bideoa.
PPren bozeramaileak azaldu duenez, “bikote hau berriro ere kontratatzea ekidin eta euskaraz ere gure seme-alabak barre egin dezaten jardungo duten beste pailazo batzuengatik ordezka ditzaten nahi dugu. Bidegabekeria berri hau saihesteko udalerriko udal talde politiko guztien babesa izatea eta gure txikiekin benetako pailazoak olgatu daitezen lortzea espero dugu”.
Pirritx eta Porrotxek sakabanaketaren aurka eta Etxeratek abiatu zuen Biraren alde egindako bideoa
Pasa den asteburuan Korrikari dirulaguntza kentzea eskatu ostean, gaur azken bi urteotan erabili duen Pirritx eta Porrotx pailazo euskaldunen aurkako beto eskakizuna berreskuratu egin du Getxoko PPk. Izan ere, eskumako alderdiak prentsa oharrean azaldu duenez, Getxoko Kultur Etxeko Kontseilu Nagusiari eskatuko dio, ezohizko batzarrean, Pirritx eta Porrotxekin sinatuta duen kontratua apurtzea. Era horretan, Getxoko PPk lortuko luke urtero bitan sarrerak agortzen dituzten pailazoek ekainean Getxo udalerrian emankizunik ez ematea. Argazkian, Porrotx pasa den apirilaren 12an, Hendaiako Aberri Egunean emandako ikuskizunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun