Getxoko PPk egin bezala, tokiko PSE-EEk ere eskatuko dio Udalari Pirritx eta Porrotx pailazo euskaldunekin duen kontratua apurtzea. Horretarako, Getxoko Kultur Etxeko Kontseilu Nagusiaren ez ohiko batzarra eskatuko du Luis Almansa buru duen alderdiak. Horren hitzetan, "lotsagabekeria eta guztiz deitoragarria da Giza Eskubideen urraketa gaitzesten ez duten pertsonak eta taldeak instituzio demokratikoek kontratatuak izatea". Eskaera egiteko, Pirritx, Lasarten Batasuneko zinegotzia zela euren alderdikide Froilan Elesperen hilketa ez zuela gaitzetsi argudiatu du Getxoko PSE-EEren buru Almansak. "Ezin daitezke terrorismoa babestu eta hilketak zein estortsioa deitoratzen ez duten pertsonak edo taldeak ekarri. Hori dela eta, Getxoko EAJk burututako lotsagabekeria politikoa galarazten ahaleginduko gara", gaitu du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun