Barrikako San Juan jaietako kartel lehiaketaren irabazlea hautatzeko herritarren botoak jasotzeko epea zabalik dago jada. Apirilaren 30era arte egongo da horretarako aukera. Epaimahaiak aukeratutako hiru lanak kultur etxean, Txintxilandia eraikina, daude ikusgai ondoko ordutegian: goizez, 11:00etatik 13:30etara eta, arratsaldez, 17:00etatik 18:30etara (apirilaren 18an goizez bakarrik). Euren botoa eman nahi duten pertsonek Barrikan erroldatuta egon behar dute: erroldatuta ez badaude beren botoa baliogabea izango da, tokiko kultur iturrien arabera. Hautatutako kartelaren zenbakia zehaztu beharra dago eta izen-abizenak eta DNI zenbakia ere idatzi beharko dira. Kultur Etxean egin ahal izango da hori edo mezua idatziz ondoko helbide elektronikora: kartela[abildua]barrika.net. Irabazlea zein den maiatzaren 8an argituko da eta sari banaketa egingo da egun berean, arratsaldeko 7etan, Barrikako kultur etxean. Argazkian, hiru kartel hauetatik bat izango da irabazlea. Kartelak banan-banan ikusteko sakatu hemen.
Aurkeztutako lan guztien artean hiru aukeratu ditu epaimahaiak eta Barrikako herritarrek hautatuko dute irabazlea. Barrikako herritarrek eta epaimahaiak boto gehien emandako kartelak irabaziko du lehiaketa. Sari banaketaren egun berean emango dira jakitera irabazlearen eta gainontzeko partaideen izen-abizenak. Saritutako lana Udalaren jabego izatera pasako da eta saririk gabe gelditutako lanak maiatzaren 8aren osteko 15 egunetan jaso beharra dago. Informazio gehiago Barrikako Kultur Etxean (Udaletxeko Bidea 2, Txintxilandia eraikina), 946 775 163 telefono zenbakian edo udal webgunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun