Eusko Jaurlaritzako Herrizaingo Sailak Saharari emandako 21 furgoneta eta lur orotariko ibilgailuak gidatzen joango dira, Alacanteko (Herrialde Katalanak) porturaino, Araba, Bizkaia eta Gipuzkoako trenbide alorreko boluntarioek. Oraingoan, Metro Bilbaoko zortzi langile joango dira, aipatu enpresak jakinarazi duenez, EuskoTren, EuskoTran, Eusko Trenbide Sarea (ETS) eta Larrainetako Funikularreko langileekin batera. Bihar abiatuko da saharar herriarekiko elkartasun karabana, 9:00etan, Gasteizko tranbiaren Ibaiondoko instalazioetatik. Langileek egun libreak erabiliko dituzte 800 kilometroko joan-etorria egiteko. Ibilgailuak Alacantera eroango dituzte han ontziratu eta Tindufeko errefuxiatuen kanpamentuetan Saharako agintarien esku uzteko. Argazkian, Ertzaintzak erabilitako ibilgailuak eman ohi dizkiote Saharako Poliziari.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun