Sariei dagokienez, 300 euro jasoko ditu irabazleak, 200 euro bigarrenak eta 100 euro hirugarrenak. Lan irabazleak aukeratzeko ondorengo irizpideak hartuko dira kontuan: lehiaketako gaia ulertzea, sormena, originaltasuna, argazki estrategien eta tekniken maneiua; eta kalitate artistikoa. Bitartean, Zinea eta HIESa oinarri hartuta, maiatzaren 29ra bitartean, filmak proiektatzen ari dira, ostiralero, Hegoak Bilboko Maiatzaren 2a kaleko 7. zenbakiko behealdean duen egoitzan. Bihar bertan, Jaime Sylla Paredes zuzendari britainiarraren "No magic bullet" pelikula egongo da ikusgai, 20:00etatik aurrera, ingelesez eta espainolezko azpitituluekin.
No magic bullet
"No magic bullet", London-eko populazio gay-aren artean hazkundean doan HIESaren kutsapenean parte hartzen duten eragileen analisia egiten duen dokumentala da. Mediku, akademiko eta osasun sexualaren alorreko profesionalei eginiko elkarrizketen bitartez eta HIESa duten hiru gaixoen adierazpenak hartuta, "No magic bullet" dokumentalak, tratamendu erretrobiralak, sexu harremanetarako erabilitako alkohol eta droga kontsumoak, estigmak eta bestelako aspektuek, prebentzio neurriak hartzerako orduan gay populazioaren erlaxazioan nola eragin dezaketen aztertzen du.
Hegoak elkarteak bigarren urtez antolatu du "Afrodita Saria" Gay-Lesbo-Trans Argazki Lehiaketa. Horrenbestez, parte hartuko duten argazkiek LGBT gaien alderdietako bat erakutsi beharko dute (lesbianak, gay-ak, transexualak eta bisexualak) edo bestela jarrera homofobikoak, lesbofobikoak edo transfobikoak gutxitzera jotzen duten mezua jaso beharko dute. 18 urtetik gorakoek parte hartu ahal izango dute, gehienez hiru lan aurkeztuta, beti ere beste lehiaketa batean sarituak izan ez badira. Irudiak posta elektronikoz bidali beharko dira info@hegoak.com helbidera, jpg formatuan, 300 pixel hazbeteko, koloretan, zuri-beltzez edo sepian. Lan bakoitzak titulua eduki beharko du. Eta e-postan bertan datu pertsonalak eman beharko dira: lanaren titulua, izen-abizenak, hiria, egoitzako herrialdea eta telefono zenbakia. Lanak bidaltzeko epea apirilaren 30era arte egongo da zabalik, eta irabazleen izenak, beranduen jota, maiatzaren 15ean emango dituzte ezagutzera ondoko web orrian: www.hegoak.com. Argazkian, Hegoak elkarteko kideak aurreko Zinegoak jaialdia aurkezten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun