Leioako Gazte Eguna "erreferente" bat bilakatu da herriko gazte (eta ez hain gazte) guztientzako, Txakurzulo Gazte Asanbladako neska-mutilen hitzetan. Azaldu dutenez, "udaberri garaiko derrigorrezko zita da. Bertan gazteok benetan nahi ditugun ekintzak burutzeko parada izaten dugu, alor desberdinetan. Kirola, aisialdia, musika, kultura, artea eta beste hainbat alorrek ageriko presentzia daukate Gazte Egunean, beti ere gazteon perspektiba erreal batekin landuak". Aurtengo leloaren bitartez, Leioako gazteak "saltsa guztietan" daudela adierazi nahi izan dute: "herrian burutzen diren ekintza eta ekimen herrikoi guztietan presente egoten gara, jai girokoak zein aldarrikapenerakoak izan, eta horien parte sentitzen gara. Baina, gainera, parte hartzen dugun ekimen horietan ez garela soilik hartzaile pasibo eta konformistak baizik eta parte hartzaile aktibo eta konprometituak", zehaztu dutenez. Ildo horretan gauza berriak ere baditu aurtengo Gazte Egunak. Ospakizunak bihar izango diren arren, aurreko urteetan koadrilen arteko kirol jokoek izan duten arrakasta ikusita, lagun taldeen arteko futbito txapelketa egin dute. Horren finala Gazte Egunean bertan jokatuko dira. Bestalde, pala txapelketa ere izango da bihar.
Egitaraua:
10:00 Herria esnatu.
11:00 Leioako 6. Gazte Eguneko hasiera ekitaldia, anbulatorioko plazan.
11:30 Gazte Azokaren irekiera. Goiz osoan zehar sagardoa eta pintxoak, eta rokodromoa.
11:15 Koadrilen arteko futbito txapelketaren finala institutuko patioan.
12:00 Pala txapelketa institutuko patioan.
12:30 Tiragoma lehiaketa.
13:00 Dantza ikastaroa Tigre Plazan.
14:30 Bazkaria institutuan. Bazkalostean antzerkia eta kantaldia.
18:00 Bertso poteo musikatua. Poteoa herriko tabernetan zehar bertsolari eta musikarien laguntzaz.
20:30 Leioako 6. Gazte Eguneko ekitaldia Plaza Gorrian.
21:00 Kontzertuak Plaza gorrian: Rumband Bugui eta Txapelpunk taldeekin.
00:00-03:00 Erromeria Joxpa taldearekin.
Seigarren Gazte Eguna ospatuko dute bihar Leioan
2009ko api. 24a, 11:39
"Herriko saltsan, gazteok martxan" lelopean, larunbat honetan, apirilak 25, ospatuko dute Leioako seigarren Gazte Eguna. Horrenbestez, goizeko 10etan herria esnatu eta, bazkaldu aurretik, "era guztietako jendeari zuzendutako ekintzak" antolatu dituzte, "giroa ziurtatuta egon dadin", Txakurzulo Gazte Asanbladak azaldu duenez. Gauzak horrela, goizeko ekitaldiak Tigre eta anbulatorioko plazetan, eta ondoko intitutuan izango dira eta arratsaldekoak Plaza Gorrian. Eguerdian, herri bazkaria izango da, bazkalondoko sorpresa eta guzti. Oturuntzarako txartelak bihar bertan erosi ahal izango dira, 6 euroren truke. Horrekin batera, seigarren Gazte Eguneko kamiseta eta behin eta berriz erabiltzeko edalontzia jasoko dute bazkarira apuntatzen direnek. Ostean, txoko guztiak alaituko ditu musikaz eta bertsoz lagundutako kalejirak. Iluntzeko zortzi t' erdietako ekitaldiaren ondoren, Rumband Bugui eta Txapelpunk taldeek emango dute kontzertua. Azkenik, erromeria izango da gauerdian, Joxpa taldeak alaituta. Bestalde, aurtengo ediziorako Gazte Egunak beren beregi konposatutako kanta izango du, herriko musikari gazteek egindakoa. Horretaz guztiorretaz luze eta zabal mintzatu ziren Koska irratiko "Gazte uhinak" saioan egindako elkarrizketan (mp3). Argazkian, Leioako 6. Gazte Egunaren kartela.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun