Apika Taldeak "Monda & Lironda" pailazoen ikuskizuna eskainiko du larunbat honetan, apirilak 25, eguerdiko 12etatik aurrera, Barrikako Kultur Etxeko liburutegian, Txintxilandia eraikinean alegia. Horren bitartez, atzo izan zen Liburuaren Nazioarteko Eguna ospatuko dute. Lironda Mondarekin joango da Barrikako liburutegia ezagutzera. Badaki liburutegia liburuz beteta dagoela, horiez gain misterioak ere badaude. Umeen laguntzaz liburuen barruan eta liburutegian dauden misterio batzuk argitzen saiatuko dira. Opariak ere izango dira Liburuaren Eguna ospatzeko. "Monda eta Lironda pailazoen ikuskizunak umorean oinarritzen dira. Haurren dibertsioa dute helburu, hezkuntza-baloreaz ahaztu gabe. Gai anitz lantzen dira: samurtasuna, laguntasuna, laguntza, xalotasuna eta umore ona", tokiko kultur iturriek adierazi dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun