Sopelako mutil bat atxilotu dute Leioako taberna batean lapurtzea egotzita

Leioako Udaltzaingoak O.M.O. gazte sopeloztarra atxilotu du gaur goizaldean Boulevard de Sabino Arana tabernan indarra erabiliz lapurtzea egotzita. Tokiko polizia iturriek zabaldutakoaren arabera, tabernako beira kutxatila baten taparekin apurtu eta gero, kutxa erregistratzailea lapurtu zuen gazteak 200 edo 300 euro barruan zituela. Udaltzaingoa ohartu bezain laster, ikerketarekin hasi zen, eta lapurtutako txanponen aurkikuntzaz baliatuz, Aketxe auzoan hutsik dagoen baserri batean aurkitu zuten lotan ustezko lapurra. Esnatzerakoan gaztea ezin izan zuen esan nondik atera zituen inguruko txanpon guztiak. Horretaz gain, tabernako jabeak identifikatutako beste gauza batzuk omen zituen. Eguna egiterakoan, baserriaren inguruetan kutxa erregistratzailea aurkitu zuen Udaltzaingoak, guztiz suntsituta.