Egitaraua:
10:00 Futbito txapelketa, Jado ikastetxean (Aurretik izena emateko, Aingura tabernan edo egunean bertan eskoletan.)
11:00 Umeentzako jolasak eta tailerrak, metro inguruan.
13:00 Etxebizitza eskubidearen inguruko mahai-ingurua.
14:30 Gazte bazkaria (Txartelak La Plaza tabernan 5 eurotan salgai edo egunean bertan).
Ostean, AIN_1 taldearen emanaldia (musika, poesia eta dantza).
19:00 Erromeria, Erdizka Lauetan taldearekin.
20:30 Mani-kalejira "2 urte lanean 2 urte kalean. Gaztetxea behar dugu!", lelopean.
21:00 Kontzertuak + ekitaldia, azoka zaharrean.
- Norte Apache
- Pepe Rayo
- Luz de Putas
- DJ
Egun osoko egitaraua antolatu du larunbat honetarako, maiatzak 2, Erandioko Gazte Asanbladak, bi urte egiten dituztela ospatzeko. Joan den astean egindako okupazio sinbolikoarekin "borrokatzeko eta antolatzeko" duten ahalmena erakutsi zutela adierazi dute neska-mutil erandioztarrek. Urteurren eguneko kalejiran ere gaztetxearen beharra aldarrikatuko dute beste behin ere. Azaldu dutenez, "orain, udalaren zein udaltzaingoen jarrerari erantzuna emateko aukera daukagu. Froga diezaiegun, herri honetan gazteok antolatzeko eta borrokatzeko daukagun ahalmena". Erandioko Gazte Asanbladako kideak joan den asteazkenean sartu ziren Altzagako Tartanga kaleko 30. zenbakiko lokal publikora. Hurrengo egunean, ordea, udaltzainak joan zitzaizkien bertatik kanporatzera. Tokiko poliziek agertutako "harrokeria" eta "modu txarrak" salatu zituzten neska-mutilek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun