Toki mugatuak
Txilinbueltaka programan urteko hirugarren irtenaldia egingo dute Gipuzkoako Pasaia herriko aterpetxera 1997 eta 2002 bitartean jaiotako Leioako ume euskaldunek. Irteera maiatzaren 22an egingo dute Udaletxeko parking-etik, arratsaldeko 6etan. Buelta, berriz, 24an izango da, leku berean, 17:30ean. Prezioa 42,40 eurokoa izango da. Toki kopurua mugatua denez, aurrez ezarritako plaza kopurua baino eskaera gehiago balego zozketa egingo litzateke.
Leioako Euskara Zerbitzuak antolatutako Txilinbueltakaren maiatzeko 22tik 24ra bitarteko asteburuko egonaldietan izen-ematea zabaldu dute. Udal iturriek jakinarazi dutenez, ekimenen helburua "aisialdian euskarazko gune bat izatea da". Ekintzak Pasaiako aterpetxean egingo dira eta Leioan erroldatutako ume euskaldunei zuzenduta daude. Txilinbueltaka programaren barruan, 7 eta 12 urte bitarteko ume leioaztarrek hartu dezakete parte egonaldian. Horretarako eskaerak maiatzaren 6a baino lehen aurkeztu beharko dira. Argibide gehiagorako eta izen ematea (pdf) egiteko Euskara Zerbitzuarengana jo daiteke euskarazerbitzua[a bildua]leioa.net posta elektronikoa edo 946 072 576 telefonoaren bidez. Argazkian, Getxo udalerrian egiten duten Bapiruke euskarazko aisialdiko programak ere izen-ematea zabalduko du maiatzaren 11n, kasu horretan udaleku irekientzako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun