We Are Standard izango da gaur Barakaldon, Gaztea Sarietan

Getxon sortu, ingelesez abestu eta nazioartean ezaguna den We are Standard musika taldea izango da gaur gauean Barakaldon, Gaztea Sarietan. Izan ere, EITBko irratirik gazteena bere izena daramaten sarien 12. edizioa ospatuko du jai handi batez Barakaldoko Rock Star Live aretoan. Bertan, getxoztarrez gain, Delorean eta Dj Makalak joko dute, besteak beste, 22:00etan hasiko den galan. Ekitaldia Amaia Artetxek eta Joseina Etxeberriak aurkeztuko dute ekitaldia. Bertan zortzi sari emango dituzte: talde edo bakarlari onena, kantu onena, disko onena, zuzeneko onena, bideoklip onena, musikari berriena, nazioarteko abesti onena eta beti gazte saria. Kategoria bakoitzean hiruzpalau hautagai daude. Haien artean, aipagarrienak dira We Are Standard bera, Kerobia, La Oreja de Van Gogh, The Killers, Kauta, Amaia Montero, Bide Ertzean, Gari, Mikel Erentxun, Delorean, Itoiz, Su ta Gar, Katamalo, Kemen Lertxundi, Lain, Lauroba, Manent, Seiren, Gatibu, Fermin Muguruza, Rafa Rueda, Extremoduro, Kaotiko, Ken 7, Doctor Deseo, Nahiadance, Kate Perry, Duffy, El Canto del Loco eta Coldplay. Argazkian, We Are Standar taldea Madrilen emandako kontzertu batean / Andor.